泰式紅咖哩雞翼飯

今日一早就起身出去浸會大學同妹妹影畢業相….
果然係畢業既時間….成個花墟都人山人海呢~~~~~~~
好快就揀到我想要既野啦~~~~~出發會合爸爸媽媽~~~

整完影晒之後就已經12點lor~~~~~
由於太眼訓既關係, 食完野, 街都唔行就閃左返屋企lor~
返到屋企就衝左上床訓覺~~~~~~因為實在太早起身啦~~~
呢一覺就到8點半…………..呵呵呵呵~~~~

話落街食飯, 再終傾唔到去邊到食….
結果走去煮左飯, 咁累就梗係唔想洗咁多野啦~
哼~~一於一人一碗飯 !!!!!!!!
超鍾意呢個飯~~~15分鐘有得食 !!!

1.    先把雞翼解凍, 用鹽麴略醃
2.    把蒜容, 乾蔥頭 爆香後 加入紅咖哩爆香
3.    加入雞翼略煮
4.    再加入250ml 椰汁, 檸檬葉, 中火煮10分鐘, 完成可以上碟 ~

玉子燒

即係咁....呢樣野...係大少次次去親食日本野都會叫既野~
所以呢...都要諗辦法整佢出黎.....
睇左好多個食譜........................
最終揀左鬼鬼既食譜~~~~
唔係佢我係唔會成功架 !!!!!!

食譜由鬼嫁提供~~~~

材料：

雞蛋     3隻

鹽     半茶匙

砂糖     3茶匙 （好甜的可用3湯匙）

鰹汁粉     1茶匙

油      1湯匙

工具：

甜蛋專用平底鍋

筷子

壽司竹蓆（12蚊店有售）

濕布

麵粉切刀（12蚊店有售）

製法：

1）把全部材料加入大碗中打勻

2）中大火預熱甜蛋專用平底鍋，轉中火加油，以廚房紙抹去多餘油份， 加入一半的蛋汁，約5秒後用筷子輕力攪3﹣4下，讓空氣進入，蛋皮會更鬆厚

3） 約45秒煎好蛋後，熄火，平底鍋放濕布上略為冷卻，讓鍋底不易黏，再用麵粉切刀把蛋皮向內捲

4）捲好後，向外推至鍋邊，如有需要，把廚房紙上的油抹在鍋上，再加入剩下的蛋汁， 用筷子剔起一點蛋捲，讓新的蛋汁能跟捲好的蛋黏在一起，約5秒後用筷子輕力攪2﹣3下

5） 約45秒煎好蛋後，熄火，平底鍋放濕布上略為冷卻， 再用麵粉切刀把蛋向內捲 

黑椒香草牛肉粒

有時候, 放工真係好累, 又諗唔到想食咩....

唯有去SUPERMARKET 行個圈, 睇下有D咩野可以整.....

通常我會揀牛牛, 因為煲個飯OR 煮個意粉就可以啦~~~

響呢日我就揀左牛肉粒....

簡簡單單用D 黑椒香草醃一下, 就用GRILL PAN 去GRILL.........

就係咁...........

是日晚餐就完啦~~~~~~

泰式豬頸肉

星期日又係時間去諗下今個星期食咩...

最好呢就醃定晒D肉.....

咁返到屋企就可以即刻整啦~~~~

呢個超簡單

把豬頸肉一塊, 魚露3湯匙, 青檸汁 1湯匙, 糖 1茶匙, 醃過夜

之後放入焗爐250度焗15分鐘 (睇自己個爐咩火力啦)

放涼之後就切片..............

完成 !!!

大少話呢個好食過出面街果D !!! 因為唔會乾淨淨WOR !!!!!!

結果....我食左一件.....其他佢自己食晒 !!!!

不過我自己食就好似欠左D 野咁.....得閒諗下改良先~~~~

限量版

女人總是對limited edition, last one 呢d 字眼冇抵抗力....
早排見到雜誌我近期最愛的品牌出了新野...
竟然出左城就去睇下啦~~~~~

哈哈哈~~佢出左三隻色.....我最終買左2隻.......
佢個盒仲要係全部都唔同架........即係唔會有人一樣lor~~~
所以你話啦~~~女人錢都真係幾易搵架....
今個星期六就同佢開光~~~~

大出血

早幾日因為要陪朋友們出去cwb 買clarisonic........於事我就順手去睇下cle de peau ....
早響半年前我已經轉晒佢既make up product....
到左今時今日....
我終於狠下心腸.........
連skin care 都轉埋.........
哈哈哈哈哈~~~~

new start

YAHOO BLOG 要關了......
就由呢度做個新開始啦~~~

魚香茄子

呢排晚餐會準備5人的份量, 因為除了我同大少的晚餐外, 還有作為我, CARMEN, MANDY的午餐　！！！
呢個棻係茄子妖－ＭＡＮＤＹ　點的。。。
所以係勁多茄子　！！！

材料
茄子 -- ２條
鹹魚 -- 1片
免治豬肉 -- $1５
蒜頭 -- 2瓣
乾蔥 -- 2粒
豆板醬 -- 1茶匙
水 -- 2湯匙
蠔油 -- 2茶匙

醃料：
鹽 -- 1茶匙
糖　－　1茶匙
生粉 -- 1茶匙
生抽 -- 1茶匙
麻油 -- 少許


做法：
1. 免治豬肉下醃料醃３０分鐘。
2. 鹹魚去骨，切成小粒。
3. 蒜、乾蔥去皮切成蓉；茄子洗淨，切半再切成小段。
4. 下少許油中火燒熱鑊，下茄子炒至軟身，盛起備用。
5. 再下少許油，再爆香蒜、乾蔥、鹹魚，下豬肉炒至8成熟，下豆板醬。
6. 下茄子回鑊，試味後加蠔油調味。
7. 熄火加蓋焗5分鐘，即成。

自家BBQ

話說某日突然很想食BBQ, 大少話冇理由2個人去BBQ 架...傻既咩...
之但係屋企附近都沒有食韓燒的地方WOR....於是......
我就決定響屋企自己黎 !!!!!!

準備既野食唔多, 都唔難...........亦都很舒服 !!!
不過.............最衰就係開左冷氣LOR~~~
搞到D 味整左響屋企...........................................
成晚都比呢D 味侵占住.......
最終我走去關晒D 門窗.................噴左一陣既空氣清新劑...........
焗左1個鍾....................D 味終於比我打敗晒 !!!!!!

雖然好玩...........但係.......................玩一次好啦....

bambou from thailand

星期六日, 通常我自己食野先....
點解...因為有人會訓到2,3點先起身lor~
除非我真的好累....否則我大概12點左右就會醒架啦~~~

今日呢個post 絕對唔係教大家蒸燒賣, 魚旦~~~~
不過用飯煲蒸係真係好食就咁隔水蒸wor~~~~不過就耐d 咁lor~~~
哼~~~~等我搵到位放meile 個蒸爐果陣就唔駛用飯煲蒸架啦~~~

大家睇下我隻靚靚竹碗 !!
係響thailand 返黎架 !!!!
重點係唔重又唔'辣'手 !!! 有時用佢好過用lc 碗 !!!!
如果大家去開thailand...不妨入幾隻 !!!!

蒜蓉包

結左婚之後, 通常係星期五晚去街, 星期六日在家休息..............
有時仲會星期五去完街執埋屋......咁星期六日就好舒服咁抖下....

今個星期六已經冇出街, 但係就響屋企大執野.....
今日訓醒食完野就走左去游水~~~
出奇地.....今日竟然冇咩人lor~~~
超開心~~~~~

突然間想食蒜蓉包, 但係出面買既唔係太好食....
諗諗下...今晚都要開工整蒜蓉......
不如順手整埋啦~~~~

超簡單, 蒜蓉+牛油, 150度焗15分鐘, 搞掂~~~香到暈低 !!!!
法包可以自己整 or 出去買~~~~我的是自家制 !!!!!

蒜容蝦青口飯

熱到死....放工係唔想響廚房整野既...........
所以要用腦諗下..........減少在廚房的時間
但係又唔想比大少覺得我偷懶!!

於是我就整左呢個飯~

1. 先用蒜容, 酒, 胡椒粉奄蝦及青口
2. 等飯滾時, 把以上材料放到飯面 !
3. 飯煲響起之時, 就食得啦~~~~

今次響大少又想偷食之時, 我大叫~~~~~~~唔得丫~~~~
我未影相丫~~~~~~~~~~~
可憐既佢...............就冇得食住lor~~~

哈哈~~~呢d係我屋企既雪櫃存倉黎架 !!!!!
話時話.....都係時候要清一清個雪櫃lor~~~~~

尖尖尖

響一次偶爾既機會下識左老媽~~~~~
就係咁..................
我中左老媽既粉毒 !!!!!!

第一次訂左幾樽....................
之後就再加訂 !!!!!!!!

今次要介紹既係
以下呢2個孖寶 !!

1. 先把雞翼洗淨
2. 加入少許老抽, 糖, 再加入以上2寶 奄30分鐘
3. 預熱焗爐200度, 焗15分鐘 !!!
4. 完成 !!

一路焗果陣係超香 !!!!! 我投資落老媽d 粉係正確架 !!!!

尋找骨剪之旅

之前因為屋企果把刀甩左個手柄...........於是一直在物色另一把刀去代替..
偶爾機會之下, 識左kuhn rikon 呢個牌子..............我就買左把小型菜刀返去啦~~~
一直用左佢大半年.....知道佢真係十分之利............因為有次我唔小心切到手啦....
所以對於呢個牌子我真係十分欣賞的 !!!

基於上星期日煮左餐大飯比屋企人食....
我意識到.....我係要買把骨剪的 !!! 因為用菜刀斬雞係會整到四處都係架 !!!
於是我就開始我既尋找骨剪之旅啦~

睇過孖人牌..........我覺得有點點滑手, 同埋我唔識用..........加上價錢都幾貴下............
我怕我買左之後用唔慣就慘啦~~~~
所以我一直都考慮中~~~~

直到尋日..............行sogo.........
見到呢個牌子既counter...........原來佢出左d 特別版的小型刀仔 !!!
真係好可愛呢~~~~

本來只係想買一把我最愛的紫色架..............但係呢一set 做緊特價............又唔係相差好多...
所以.......我就帶左佢返屋企啦...................

當我響度等緊朋友揀colour 時........
突然靈機一動......問下阿姐....呢隻牌子有冇出骨剪 !!
阿姐就同我介紹左2隻款.............又拎比我試 !!!!
本來想買新果隻, 但係阿姐話其實新果隻只係響個尾到多左少少野.....果d野又冇用...又貴成倍有多 !!
唔抵買 !!!!!所以我最終帶左佢返屋企 !!!

全家福 !!!

2013美食博覽

又到一年一度美食博覽
細個果陣同媽媽一齊去果陣覺得好多野食, 好多好平既野買....
我已經有幾多年冇去過....
今年唔知點解好想入去行下....於是捉左大少陪我入去迫迫迫.....

就到既時候, 發現人山人海............
原來係晚間時間開始....$10入場 !!!!
我同大少就咁岩買到 !!!! yeah~~~~


可惜既係好失望.................
唔覺有d 好平好抵既野...........
講真.......急凍野....我冇買....可能係因為我住得遠 !!
至於其他野........平....都係平$5以內........我點解要辛苦自己....
明明屋企樓下就有既野...要大老遠由灣仔拎返屋企 !!!
傻既~~~~我行完仲去shopping ga ma !!!!

我今年大概響入面用左$200都冇.........
咪就係得咁多lor~~~

韓國粉絲 500g ($40/2包)
彩色烏冬 400g ($35/2包)
韓國年糕 1包  ($30/2包)
沖繩海鹽  1kg ($10/1包)
果汁酒jelly 2支 ($50/4枝)
青檸蜜 1枝 ($35枝 , 買二送一)

仲有食左黑橋牌腸仔1條 $15 !!!!

之後大少就幫我拎晒d 野返屋企....
我就再同朋友去cwb 行街......
又行到人地關門lor~~~~~

蒜蓉豆豉炒蜆

前幾日大少整親冇返工....
我就叫佢順便去買埋餸返屋企比我煮~~~
咁我就唔駛行去supermarket 啦~~~~~

大少走去買左蜆.....................
唔係買開就真係唔係買開...............
買返黎都唔靚既.........................
蒸就晒啦.............................但係大少又唔食得辣wor~~~
咁唯有試下蒜蓉豆豉炒啦~~~~

1. 蜆先吐沙
2. 2 teaspoon 蒜蓉 + 1 teaspoon 豆豉 混合成醬
3. 先爆香醬, 再落蜆
4. 炒至蜆全開口完成 ~~

鯖魚飯

某日放工都已經8點.........累到連超市都唔想去...

但係又唔想落街食.....因為仲帶左少少工作回家....

於是我走去睇下雪櫃存倉有咩.............



結果....我搞左咁既野出黎...

呵呵呵呵呵~~~~又唔熱氣又好食 !!!

親子飯

呢排放工都真係唔早......其實我真係唔明點解我地日日都要遲走..............
唉........................
返到屋企通常都傾向整d一碗過既野..........
因為唔駛搞咁多丫嗎...............

所以呢個親子飯簡直就係perfect !!!!
整好左就換黎大少一句: 好靚bor~~
yeah~~~成功 !!!!

味菜牛柳絲面~

呢排工作上的事情太多.....
晚晚都超夜走....
唯有用我的法寶 !! 睇下點樣可以快d開飯 !!

大少奶個blog 絕對可以救我一命 !!!因為有d好快既食譜~
yeah~~~呢個味菜牛柳絲面就出動啦~~~~(不過有d 配菜我同大少都唔食, 所以唔整)

簡簡單單又一餐 !!!

用焗爐整脆D 面健康過炸~~~

30分鍾有得食 !!

不過我家大少話唔鍾意脆面......澈死我 !!!

五色芝士焗長通粉

呢排真係好夜先放工。。。。
但係我都要食飯架！！
冇理由成日都出街食飯架。。。。
咁咪唯有諗D 快靚正既野......最好30分鐘食得 !!
所以.............呢個通粉就出世LOR~~~~(多謝鬼鬼食譜)

唯一美中不足就係......要去買幾隻芝士...........而呢D芝士都比較貴........

今次真係大成功 !!!!!!
大少話要添通粉~~~~
仲隔日就話要再食過啦~~~~

最愛桃桃~

我係一隻生果精~所以我屋企一定要有生果!!!
桃更加係我既最愛~~~~~特別係日本果隻...
所以我見到果日一田超市有特價就即買~~~

我好大方咁分左一個比大少.....
佢食完之後就話......呢D 咁貴既生果係你先會買....
哼~~~~又唔係成日食....點解唔買姐....
衰人....食完又咁話我個桃...早知唔鬼比佢食 !!!

之後我再買左D 北京水蜜桃返屋企....
大少一食左一啖就講.......呢個同日本果個真係冇得比丫....
人地日本果個甜幾多丫...............
我話係人都知道啦.........相差幾多錢先得架 ......
$48一個日本桃...............同$20一份有4個............

呢D人真係比佢激死.........

腐乳雞翼

睇完鬼嫁個blog, 超想試整佢既腐乳雞翼 !!!
可惜既係.....我仲未買到我既26cm buffet (因為仲未睇岩colour) , 所以我做唔到無水蒸呢~
唯有隔水蒸15分鐘~~~~夠曬滑 !!!! 不過下次可以再奄耐d~或者介一下d雞翼等佢可以再入味d !!!
佢個汁真係好超好食 !!!!!!
今次試左蒸 , 下次我會試下用炆既方式, 可能會仲入味 !!!!!


用lc 既stoneware 蒸野簡直good !!!! 好過用碟碟 !!! 又易放又易拎 !!!



來源自鬼嫁食譜

調味料：

腐乳    4小磚

蒜蓉     1茶匙

糖     1茶匙

豆板醬     1茶匙（怕辣可不加）

花彫酒/紹興酒       1湯匙

1. 把所有調味料混合, 加入雞翼醃30分鐘
2.  隔水蒸15分鐘, 完成 !!

負能量~

呢個星期真係好難過........................
工作上真的十分難過.......
做又鬧, 唔做又鬧..........
經驗唔夠, 諗唔到你諗既野..............又鬧...........
如果我諗到你諗既野................我就唔係咁既人工lor~

呢份工作同賣身冇分別..........
返工要做, 放左工個電話仲不停會有message話你知發生緊咩事..............
放假去旅行, 你都唔會安心..........因為你都不停咁接收到公司發生緊咩事
另外你放完假之後, 總會有日, 你老細都鬧你放假...........
三更半夜, 個電話仲係不停地收message............連大少有時都發忟
台面既野, 永遠都做唔完, 電話又係不停地響, 不停地有人要你見...............

真係好辛苦.............................................

Paisano's Pizzeria @ WAN CHAI

本身冇諗住食呢個架...
但係又搵唔到間越南野....
又怕要排隊入書展wor~所以決定買pizza take away 一路行一路食 !!!

我同carmen 各叫左Hawaiian 同埋Pepperoni  !!!
雖然要等佢re heat 返比我地, 但係都值~~~
當然要賣到$30-$50 一塊既pizza, 有點點貴 ! 但係佢既味道真係值架 !!!
餅底夠脆 !!! 料又夠多 !!! 同埋超大塊 !!! 一執pizza 有我個頭咁大~~~~~
下次, 我會帶埋大少去食 !!!

自家豆腐花

又黎搞搞震 !!
自家制豆腐花 !!!

冇計, 早排見到大家都用lc 去整...
之但係我冇咁細個既lc....所以我都係用普遍煲咋~~~
我今次係跟bonnie 既食譜 !!
果然好食 !!!! 不過要尋找好豆漿都唔係咁易 !!!

快靚正既甜品

先準備豆漿 1公升, 栗粉 1茶匙, 熟石膏粉 1茶匙, 少少水
1. 先把栗粉, 熟石膏粉 用水開左佢~
2. 把豆漿煲滾
3. 把豆漿撞入粉漿中~
4  等30分鐘左右就完成啦~~~

書蟲仔又出發@2013書展

今年既書展........由於妹妹話唔同我去....
大少好可憐咁話唔去得唔得......(因為佢年年都係陪我行左一半就坐左響會場, 同埋主力幫我拎野)
咁算啦~~~佢同我去, 我就要趕住走架啦~~~~
最終搵左朋友仔陪我一齊去......
哈哈~~行書展呢d野梗係要搵d 同你一齊行, 一齊買既人啦~
咁先開心架嗎~~~~~

於是我就約左朋友仔7點幾響灣仔等....
我地原先妁打算去食越南野....
點知足足行左3條街都搵唔到.......
所以我地放棄左............走左去買pizza 邊行邊食...因為我地怕會好多人入書展呢~~~~

我地響2015已經入左書展(原定係打算2030先入到去)
我地就一路行行行, 買買買, 睇睇睇..............
我地打算12點前就一定要走架啦~(即係書展宣佈散場前15分鐘)
因為朋友仔要趕船返屋企啦~
點知..................佢冇宣佈lor~~~
搞到我地12點先走........

咁朋友就自己去搭車啦~~~~~~可能太多人啦...
朋友最終遲左2分鐘啦~~~~~~上唔到船.....要等到3點先有~~~~~

我就用左30mins就返到屋企lor~~~
今日行得都好盡興 !!!!! 仲買左小手工返黎整下添~~~

是日收穫 !!
其實我好叻, 今年一本尋夢園都冇買 !!!!!! 如果唔係.....我都唔知點返屋企 !!!
今年既唔同係.....買多左好多既食譜 !!!

又偷懶~

本小姐, 一星期總有2-3晚偷懶 !!!
點偷 ?? 我唔係偷懶唔返工, 只係偷懶唔煮飯姐~~~
你知啦~放左工仲要去買野, 之後仲要響廚房煮, 煮完又要洗~幾煩.....
所以我一星期有一晚係返媽媽度食, 一晚返大少媽媽屋企食, 仲有一晚就出街食 !!!!

呢張相就係我果日返屋企食飯影既~~~~
你睇下~~~~~~~~~幾多野食 !!!!
嘻嘻~~~幾時都係返媽媽度食就最好lor~~~~~~

新口味@Haagen-Dazs

呢排d 天氣真係熱到呢....成33, 34度....
真係連飯都唔想食.............

雖然個個都話女仔食咁多凍野唔好.......
umm....其實我知既....但係熱成咁.....加上我真係鍾意凍既野..
所以........唔理啦~~~~

果日行過7-11...........做緊芒果festival.........
其中一樣竟然係哈根大叔出左季節限定..............
Mango and Raspberry
唔理啦~即刻買黎食..............

唔唔................呢隻味就唔係咁岩我食...
因為佢只係芒果ICE CREAM + RASPBERRY ICE CREAM...
如果佢係RASPBERRY 既SOBERT  同埋RASPBERRY 既比例多返少少.........
會好D食..........

不過可能我係一個BERRY怪啦....MANGO都係唔太岩我 !!!

咖哩五竇

呢樣野係我自己作出黎既........
又係好快就食得既一樣野....

1先把蘿蔔, 由魚, 牛柏業, 魚旦, 豆卜洗好 + 切好~
2由魚, 牛柏業用薑出一出水......
3把蘿蔔煮15分鐘左右待軟身......
4. 把所有材料回鑊並加入咖啡醬, 煮10分鐘左右 !

大少話好食過街邊果d.....我應該去擺個小食攤搵錢先~~~~

著仔炆雞翼

又係時候諗係食咩...
晚晚諗都幾辛苦下...
所以屋企最易出現既野就一定係佢.....
薯仔雞翼.......

超易整既一樣野.....
先洗好晒雞翼同薯仔切粒~
雞翼用豉油, 糖, 鹽, 粟粉奄好..........
先爆香薯仔, 再加雞翼爆香.........見到有香味出....
就落兩碗水加蓋中火炴15-20分鐘........
完成 !!!!

拍扁你 (涼伴青瓜食譜)

比人激死左....點解??
話說係因為我見到天氣熱..........唔想響廚房整咁耐....
於是有一晚既蔬菜就係涼伴青瓜....
點知我煮完飯出黎既時候...............
竟然已經比人食左大半...........................

你地睇下....就係果碟啦..................係得返幾粒..............

點解丫......................我相都未影丫....................................

要知道呢....我係唔食青瓜的.......................
咁我咪即係要整多一次.......................................
OH..........................................................

於是我又整多一次啦......................
就係為左要影相....................

涼伴青瓜:

1. 先把 魚露    2湯匙 , 生抽    2茶匙 , 糖 1湯匙, 麻油    少許, 白醋    1湯匙, 蒜蓉   2茶匙, 辣椒仔  1隻
   
熱水     2湯匙, 混合好就放入雪櫃。
2. 把青瓜洗淨, 切粒
3. 再把青瓜放入食物袋中, 再用刀拍青瓜, 放入雪櫃
4. 食時再把汁放到青瓜上 !!


特別嗚謝大少奶的涼伴食譜

蛋蛋多士

唔知點解起身之後好想食面包~
好在屋企企有方包姐~
但係就咁食方包, 又好似冇咩意思...
於是我又諗諗佢................搞搞事................

於是蛋多士就出世啦~~~~

佢真係好靚架~~~~~
不過我個面包細..............所以好似好多蛋咁...........

1. 先在面包上放上芝士, 火腿
2, 再用另一片方麵包挖一個洞放面, 打入蛋
3. 放入150度焗爐, 焗12-15分鐘 (睇返自己個爐啦)
4. 再加入少許胡椒及鹽食~~~

DAY 6.1 @2013沙巴豪玩豪食之旅

大家好乖咁0430就集合, 15分鐘左右就到機場啦~

我地先CHECK IN…………搞完都已經成5點幾……..

平日我習慣上機前都要買一大輪野…..

今次……………..冇得買………….

因為太早啦………所以店都未開!!!!!

 

上到機就覺豬啦~~~~訓醒就返到HK LOR~~~

大家一齊拎完行李, 食埋早餐, 就各自回家LOR~

 

唔覺唔覺…咁就玩左5日…………….

一行10人, 大家都玩得好開心….

呢個行程多謝晒一位識左10多年既中學同學………

原因係冇佢既招待同安排, 我地唔會食到咁多地道野, 玩到咁多野 !!!

辛苦晒你啦~~~~~~不枉我帶住一箱CALBEE 黎旅行 !!!

 

你放心, 我一定會再黎打擾你架 !!!!!

Day 5.2@ 2013沙巴豪玩豪食之旅

響行去食飯既中途…………大家好把握時間買野同食野……

食飯前仲要食durian雪條 and 
durian pancake !!!!!!

又去買下postcard 咁………

哈~~~~~

 

行下買下食下咁又到今晚食飯地點

Little ltaly

呢個我想食好耐啦~~~~

因為聽聞佢既野都幾正宗 !!!

人多食飯真係好……….又可以試到多d 野~~

 

呢餐抵, 響hk 一定食唔到….10個人, 一人叫左一杯飲品….

都唔駛hkd $1000……………………..

Pizza hut 都唔得啦~~~~

佢既野, 真係好食~~~~~

我下次一定會黎架 !!

 

大家食完, 都唔想返去住……

又去左行supermarket
!!!

又發揮大家買買買既精神………………

因為我地仲有幾個鍾就返hk 啦~

我地又買到人家關門……….

今次連商場都關啦~~~~~~~~~~~~~~

 

返到去………執下野, 沖個涼….

又成點啦……………….訓2個鍾多d………..

就出發返香港啦~~~~~