驚喜

早幾日回媽媽定食飯.............
(原因係我偷懶唔想煮)

正當我響度飲湯既時候, 媽媽拎左碟冬風螺出黎....

我就望下望下碟野......(其實係響度搵緊有冇一隻大隻d 既)
比我睇到d 奇怪野..........................
就係比我搵到隻..............

寄居蟹 !!!!!!

呵呵呵呵~~~

大少仲拆左人地黎食 !!!!!

變態 !!!

Mrs FA ~

大少話我係細路女, 因為我最鍾意睇卡通片~
所以家中常備我們這一家的卡通, 哈哈~仲有大電影 !!
唔止咁, 我仲有漫畫 !!!
花師奶既好處就係可以令到我大笑一餐 !!!
有時候, 你會發現其實我地都會好似花師奶入面的主角咁樣, 成日做d 低能野 ~
只不過我地唔會做出黎姐~~~
世界簡簡單單咪好lor !!!

唔覺唔覺........佢又出到18集啦~~

低調d

以前對於呢個品牌, 感覺太花了......
但係自從我的旅行袋爛左之後, 我就開始留意呢個牌子啦...
因為得佢有咁大個旅行袋啦~~~~哈哈哈哈哈~~~

原來佢已經多左好多唔同款and 樣啦~~~
young 左好多~~~除左旅行袋仲有好多其他袋仔~~~
可惜我仲未睇岩邊個花岩我自己....所以我個袋仲未買到哦~~~
呢排仲睇岩左個細size 既咩袋打算上班時用....
但係太貴, 唔捨得買哦.....

嘻嘻~~果日同小car 去買雜誌時......
見到LESportsac 有季刊買, 就買黎睇~
因為有朋友將去日本旅行, 所以打算叫佢買啦~
呵呵呵呵~~~
點知今期有野送WOR !!!
佢竟多款丫~~~~~~~
我揀左呢個, 呢個夠大又岩用 !!!!

就係佢啦 !!!

第一次

自從上星期, 大少買左animal crossing 比我玩之後, 日日都唔願訓~
搞到大少晚晚都好似捉雞仔咁捉我上床訓覺 !!!
但係一路打機一路要上網睇住攻略 !

嘩哈哈 !!! 我第一次好想去買本書去睇 !!!
於是座言起行, 星期五果日陪小car 去信和睇野時, 自己就走左game 鋪睇下有冇 !

第一次響冇大少陪之下去信和
第一次響冇大少陪之下入去機鋪 !!
第一次打機打到唔願訓
第一次打機打到買攻略
第一次我會堅持打日文game

呢隻game 明明係日文, 自己又唔識, 都唔明點解我會咁迷既~~~


睇下佢, 佢個封面幾可愛 !!!

之但係.............佢厚過本字典 !!!! 重死我 !!!

迷上深夜

嫁左之後, 發現比以前更夜訓..........
可能係就算放工時間不變, 返到屋企煮完飯執下野, 沖完涼都11點幾lor~
有時仲做下文件........咁又12點幾1點.........
通常上床覺豬都已經2點幾............

哈~~呢排訓覺前仲睇下漫畫同打下機~~~~~~~~
睇d 咩漫畫唔訓............但係呢d本書....會愈睇愈肚餓 !!!
不過佢又比到d idea 我夜晚煮咩 !!!!
哈~~~~~


睇咩.....咪就係佢lor~~~
不過我買左3本咋.......仲有7本.........慢慢黎.....

假A1

除左芝士吐司.........................
今晚仲有萬人期待的合桃提子包.............................除左我 !
因為我唔鍾意提子 !!!!

材料:

中筋粉 227g  鹽 3.5g  糖17g     紅依士(咸)3g    奶粉 11.5g   水120g   豬油22.5g   提子乾 , 合桃粒 少量



做法

1.  先把所有材料混合成粉漿

2. 搓至粉團 再加入25g 低粉 , 再搓至光滑不黏手

3. 把提子乾, 合桃粒混入粉團

4. 把粉團做型, 將已發酵的麵糰拍扁排氣後, 翻面讓收口朝上, 由上往下折1/3, 再由下往上摺1/3.

5. 發酵 45 -60分鐘

6. 在粉團上界花及灑水

7 .焗爐預熱200度, 放在焗爐中層, 焗20-30分鐘(視乎焗爐火力)

芝士吐司

今晚整左2款包~



嘻嘻~~~~超期待的吐司仔~~~~

最鍾意見到佢頂角~~~~~~



材料:

中筋粉 227g  鹽 3.5g  糖17g     紅依士(咸)3g    奶粉 11.5g   水120g   豬油22.5g



做法

1.  先把所有材料混合成粉漿

2. 搓至光滑不黏手

3. 把粉團做型, 將已發酵的麵糰拍扁排氣後, (可加入車打芝士粒), 翻面讓收口朝上, 由上往下折1/3, 再由下往上折1/3.

4. 吐司模掃上油, 放入粉團

5. 發酵 45 -60分鐘

6. 在粉團面加入芝士碎

7.焗爐預熱200度, 放在焗爐最底層, 見到面有色就熄上火, 焗20-30分鐘(視乎焗爐火力)

海鮮~

因為呢個笨大少整親腳既關係.....
要我做左幾日妹仔.....
哼~~~~果日去放低佢去睇跌打時.....我走左去睇下一個唔常去既地方睇下有咩買.....
呵~~~比我搵到平野~~~~~~
呢一餐$80 有找 !!! 呵呵呵呵~~~
不過都係去開果2個街市好行d !!!!

遲

放完三日假期, 加上每月例行audit.....
足已令我8點多先放工.......
正當我以為我已經好遲既時候...
大少打黎...."老婆, 我呢度好大雨, 走唔到(因為冇傘)......你自己食野先啦....."
我話...."而家黃雨, 快d搵把傘返啦~我都係岩岩響公司走咋 !!!"

返到屋企....成個濕晒.......
望下....已經9點......
好在.....尋日響媽媽度拎左我最鍾意既冬菇 !!!!
今日又有爸爸去買左魚比我 !!!
yeah !!!!! 簡單.....
20分鐘可以開飯 !!!!!!!!

一路響到等大少返黎既期間, 我就做下今日拎返黎既文件 !!!!!

呵呵~~~~簡簡單單又一餐 !!

溶左..........

同大少去完青衣廟會之後......太口渴啦...
大少行過便利店.......見到道地新出的飲品..............
二話不說就叫我去比錢啦....

點知......大少飲左一啖之後就問我, "老婆, 我可唔可以掉左佢丫"

我話點解丫......果日我同小car 見到都想買黎試啦~不過因為太貴啦...所以冇買啦~~

大少話, 但係真係好難飲wor~~~~我諗住道地都冇死架啦...點知 !!!!!!

我話, 比我試下有幾難飲.....佢個樣咁西瓜, 西瓜汁應該都冇事既......最多好甜既姐...

大少話: 唔好試啦, 我怕你會嘔丫........

我飲左一啖...................真係.......................
我唔識點形容...........................就好似細個有隻西瓜雪條既溶左版咁..............
結果..........我地一落車就遺棄左佢................

我唔會再買呢個西瓜汁.................................

Animal crossing 返黎啦~~~~

哈哈~~~識我既人都知, 我係好鍾意玩d 低能game 的 !!
以前nds 果陣超鍾意玩animal crossing, lost in blue, diner dash 呢d..

早幾日突然間想玩返animal crossing......就拎返部nds 出黎玩......
正當我又埋頭埋腦響度玩既時候,
大少問: 做咩拎返部舊既出黎玩, 唔玩新果部ar (因為我有3DS 架 !!!)
我話: 我玩緊ANIMAL CROSSING 嗎......新果部都冇呢個GAME !!!

嘻嘻~~~~~今日竟然比我見佢出現響書台面WOR

哈哈哈哈哈~~~~開心死我 !!

我: 做咩有呢個既~~~~
大少: 見你有新既又唔玩走去玩舊既, 咁咪買個新版比你玩LOR......3D 架~~仲好似有新野玩添~~~

呵呵呵呵~~~即刻拆黎玩 !!!!!!!!
不過因為我部3DS 係日版....所以隻GAME 都係日文..........唯有返工LUR 住小CAR 或者一路玩一路查 !!!

YEAH~~~~去旅行搭車有野玩啦 !!!!!!!!

面膜@Faith in Face

面膜呢家野....對我超級緊要 !! 因為我keep 住一星期fu 2-3次.......結婚前果排仲密......
原因係快靚正 !!! 平日的我, 沒有用上很多的保養品, 喜歡用mask 那種快既感覺~~~~
所以我屋企既mask 係有平有貴........平既......平日fu 多....貴既就重要時節前後fu lor~~~~
哈~~~~我就黎可以做mask superwomen !!!

讀書時期, 用我的美麗日記....但整整下已經覺得唔好用, 可能係因為灠左.....
之後去韓國旅行.....買左足夠我使用1年既平mask...........好用and 平 (韓國買).........但hk 買得較貴....唔值 !!!
正當我狠下心腸, 打算唔再買平mask 時....................
最多fu mask 既次數由一星期2-3次變成1次時........
比我搵到佢 !!!!!

韓國新野....faith in face
其實佢有5款mask 同1款eye mask (eye mask 下次先寫)
先係佢既包裝.....其實好複古......不過唔係我既style !!
但係我超鍾意面膜分上下2塊, JELLY狀, 非常貼服, 同埋唔會好似普通paper mask 會抽乾肌膚水份

mask

1. Black
& White Film Star Hydrogel Mask
2. Miss
Invisible Pore Hydrogel Mask
3. Hold
Me Tight Hydrogel Mask
4. After
Shower Look Hydrogel Mask
5. Nourish
Me Hydrogel Mask


我先買左每樣一款返黎試.....試完之後, 令到我會再買的有2款 !!

Black
& White Film Star 主要針對暗啞、膚色不均的肌膚,
有效提升皮膚光澤,
並美白、勻淨膚色!!
我呢d 成日咁夜訓既人就岩曬啦~~~
fu完即刻感到成塊面光曬 !!!! 響出街前一晚 fu 一fu........正曬~~~~

Nourish
Me 含有透明質酸,
補濕, 令皮膚變得柔軟仲可以可幫助撫平細紋,
促進新皮膚細胞再生!!!!

呢個就好似食左補養品咁....fu 完塊面除左光, 仲好似左飲包左水咁 !! 同埋d 毛孔同紋仔好似淡左咁 !!!

其實hold me tight 果隻都想買.....不過都係下次先....因為好似咁快就用hold me tight......有d d 誇張啦~~過多2年左右先啦~
 mask係我岩岩響jan beauty vip day 買的....超抵 !!! 平均唔駛$20一塊.....於是就敗左2盒(film star and nourish me)回家lor~

法國仔~~~

呢排對於包包差生左興趣.....
不過做落先知.....係勁辛苦 !!!
搓到我出曬汗lor~~~~

但係做完出黎既效果就好似A1 買返黎既法包咁...
個感覺真係...........超好 !!!!!

材料:
中筋粉 200g   低筋粉  27g   鹽 3g   紅依士(咸) 3g   水147g

做法:
1. 先混合中筋粉+低筋粉, 加入水+依士, 混合成粉漿。
2. 加入鹽, 混合成粉團
3. 搓至光滑不黏手

4. 在室溫發酵至30-60分鍾

5. 完成發酵後, 分成小粉團, 搓圓
6. 在室溫發酵 10-15分鐘

7. 把粉團做型, 將已發酵的麵糰拍扁排氣後, 翻面讓收口朝上, 由上往下折1/3, 再由下往上折1/3.

8. 再次發酵 30-45分鐘

9. 在粉團面界花及加入少許豬油/橄欖油

10. 焗爐預熱200度, 在粉團上噴上水, 焗20-30分鐘(視乎焗爐火力)

11. 完成

 

青衣廟會@2013

舊年有朋友話我知, 每年青衣都會有2次廟會...
哈哈~~~~~廟會做咩.....
其實我都唔知丫.....我只係知道好似係唔知咩誕咋~
朋友同我既目的都唔係廟會.....
而係果道既小食 !!!!!

早幾日同大少去左果道行下.....
因為大少好鍾意掃街 !! 而佢鍾意果d 唔係燒賣魚旦.....我家大少係唔吼呢d既...
佢鍾意既係一d 唔係太普通(唔容易見到既)既掃街食物
於是就的起心肝帶大少去果道啦~~~

就比大家睇下有d 咩食啦~~~
我呢度影左1/3左右啦....因為真係太多人啦~~~落住雨都人多......

$10 一塊.............唔值.....唔夠蛋味, 醬又唔夠多 !!! 我應該可以自己整 !!! 下次試下~

墨魚$9........ok 啦....都係旺角肥姐好食d !!!

$10 炸大腸 ! 大少話好食~~~唔肥wor~

串燒~~~好味又夠熱~~~d 肉幾嫩~~唔會"下"

煎釀三寶 $10 有5件~~~抵食 !! 魚肉超好食 !!! 大少encore 左2次 !!!!!

咖哩魚蛋蘿蔔$25......有點貴......大少食完之後同我講: 老婆你整應該會好食d !!! 你試下整~~~

同大少食左大概1個鍾左右就走啦.....因為好飽啦~~~
之後同大少去行街 !!! 為我們的6月之旅準備 !!!!
嘻嘻~~大收穫啦~~~~

搓搓搓

呢排有條面包引......
行過百貨公司就睇下面包機...
行到連大少都話....你係唔係想買....係就買比你...
其實我唔係想買......我只係想睇下....因為呢排好想整下面包.......
我明明有個大焗爐, 又點解要去買面包機 ?

記得買焗爐既時候..........佢送左塊PIZZA 石比我 !!
哼~~~一於買齊料就整PIZZA !!!!

材料:
中筋麵粉 200g
水             120g
依士              3g
鹽                  3g

做法:
1. 把水, 依士加入麵粉中搓勻
2. 加入鹽, 然後再搓至光滑不黏手

3. 用一杯熱水入焗爐 (焗爐不用開), 用保鮮紙包好粉團, 放入焗爐發酵一小時
4. 完成發酵後, 把粉團排氣, 然後把粉團壓至理想厚度
5. 用叉在粉皮上刺上小孔 , 放上喜愛的材料, 放置45分鐘至1小時

6. 預熱焗爐200度, 放入pizza 後改至180度焗15-25分鐘

豆腐花湯

哈~~~~幾日都冇煲湯........鬼咩, 日日ot 到7點幾8點先走.....
雖然大少冇話我....不過好似有d 過份咁....
好.....一於滾個湯飲下啦~~~~~

同事教我: 豆腐花湯 !
我話咪玩啦~豆腐花用黎做甜品就有, 邊有人拎黎滾湯 !!!
同事話: 唔係玩, 絕對真既~

於是我就真係聽佢講.............用豆腐花滾湯 !!!!

材料:
粟米蓉一罐, 一罐清水, 一碗豆腐花(走糖及糖水), 少少鹽 , 蛋

做法:
1.  把粟米蓉+水 煮滾, 加入豆腐花 再滾起
2.  加入鹽
3.  熄火, 加入蛋, 攪拌成蛋花~

呢個湯清清地, 又係湯, 又可以拌飯 !!!!

金沙骨

2個人真係好難諗食咩....
果日叫爸爸是但幫我買....
返到屋企發現, 爸爸買左好靚既排骨比我........
之但係我又唔鍾意食蒸既...........
唯有諗諗佢.......將佢變身~



材料:
排骨 / 金沙骨

調味：
叉燒醬 1湯匙　生抽 1茶匙　老抽1茶匙　紹酒 半湯匙　蜜糖2湯匙

做法:
1. 洗淨排骨, 抹乾水份, 加入調味醃半日至一晚 !
2. 預熱焗爐200度 - 10分鐘
3. 焗15分鐘, 完成

期待已久@Patisserie Tony Wong

由於突然間諗起.......有人生日, 但仲未買生日蛋糕!!!
媽媽話買紅番茄~~~
即刻ban ....都響九龍城食......就梗係去買tony wong.......
不過.............咁急.....都唔知訂唔訂到.............
好在比我訂到.....
我仲因為遲放工.......叫左媽媽爸爸去拎...............好在佢地識得用google map 搵路 !!!

Mango Napoleon

酥皮鬆脆；吉士醬夠味，食得出佢落左好多雲呢拿籽非雲呢拿油, 係貴左少少.......
蛋糕寫happy mother day, 係因為唔想比其他人知道有人生日 !!! 我幾咁用心良苦 !!!!!

因為我地太多人, 怕唔夠食........仲買多4件cake !!!

我只係知我好想再食 !!! 因為我尋晚所有野夾埋只係食左2啖 !!!

大少....你聽唔聽到ar~~~~~
你公司咁近.....你識做啦~~~~~