新寵-肉肉植物

星期日要出去泉章居食飯, 於是就拉左老公出去花墟行下。
唔知點解呢排好想種D 植物….

突然間見到D一粒二粒既野….睇真d…佢地叫做多肉植物…….
哈哈~~好可愛呀……摸上去好似好多水響入面咁….
超鍾意…………….
睇左半個鍾….都揀唔到….因為粒粒都好可愛呢~

最後帶左一盤拼好左既返去,同埋買左二款平平地既玩下～

泉章居

新年其中一個飯局就係我老爺奶奶會同我爸爸媽媽約埋食飯~

今次我揀左去食我想試好耐既泉章居~

六點去到已經超多人~~~~~
上菜好快.....快到有點想趕你走..........
是日我叫左一個兩人餐+6人餐......................

很懷舊的菜~~~~~~~~不錯不錯...........
但時間耐點便好~~~~~~
因為佢準時8點就趕我啦~

2014 grandma 生日飯~

新年呢個月既飯....真係食極都仲有既~
當中唔少得包括我嫲嫲的生日飯啦~
今年我地食海鮮餐~~~~
響楊屋道街市買海鮮, 再去三聖食~~~~~

就比大家睇下我地今年食咩啦~

呢家酒家既好處係坐得舒服~~~~~但係偶爾會有d 失手.........好似今次d 蟹就過火左啦~

飯後當然有我親手整既甜品啦~

滷水鴨舌,雞翼

早排突然間諗起我未整過滷水野,於是拎起心肝整一次~
不過d 材料都幾貴, 買左一磅鴨舌都成$100......

話時過話, 滷水野都幾易整....

材料: 
鴨舌 1lbs,雞翼 6隻 , 滷水料 1 包,  薑片 2 片,
紹興酒 2 茶匙, 糖 2 茶匙, 老抽 2 茶匙, 生抽 2 茶匙, 鹽 1茶匙 , 水 6杯

做法:
1. 先把 鴨舌,雞翼 出水2分鐘, 過冷河
2. 將所有調味料在鍋內煮滾，放入雞翼或鴨舌，再用中小火煮5分鐘(鴨舌), 15分鐘(雞翼)，熄火待涼後入雪櫃過夜。
3. 食前可以再加熱。

滷水雞翼

滷水鴨舌

好在, 我呢隻亂黎既滷水都得到好多人既讚賞 !!!!!!嘻嘻~~~

恨左好耐啦~

話說我家老公, 響聖誕節買左份禮物比我, 但係我就遲遲都未去換............
終於今日約好左我妹妹, 表弟一齊黎開光~~~~~
嘿嘿嘿....................響食呢份禮物之前, 我地仲準備左豐富的邊爐~

hotpot night !!!! (今個星期第三次啦)

我份聖誕禮物~

好食又好玩~

哈哈~我地除左雪糕之外, 我地仲自家加生果 !
幾條友仔響度搶雪糕, 搶生果 !!!!
嘩哈哈~~~~出年一定要買過 !!!!

婚後的第2個情人節

其實我一直都唔鍾意響大時大節出去食飯~
一貴, 二人多............做咩事要晒錢比人wor~
有左自己屋企之後, 就經常性響屋企整~~~~
哈哈~~~~
所以今年時間許可, 我就整個家中的情人節大餐~

前一日, 已經去買好材料

頭盤: salad
餐湯: 羅宋湯

我們的情人節大餐

甜品: 木槺布丁

老公的主菜: 紐西蘭羊架, 芝士焗龍蝦

我的主菜: 日本和牛, 芝士焗龍蝦

甜品: 木槺布丁

 

 

 

 

 

 

 

 

 

哈哈哈哈~~~~~老公超滿意呢個情人節安排~yeah~

原來有人仲比驚喜比我~專登響yata 買日本士多啤梨比我食~

今次一盒得六粒 ~~甜到暈左~

 

 

 

顛左

我地班同事響過年前.......一次訂左2箱番茄汁.........
冇他既..........
只係因為平姐.....................
平時一枝280ml 既都要賣$11
但係而家平均一枝一公升既只要$16.5........
 仲要送埋貨...............咁抵既野..........唔駛諗啦~~~~

你睇下幾壯觀~~~

兩箱番茄汁

 

木瓜牛奶

響新年期間, 真係食得好少菜同生果~
於是返到香港果晚就超想飲杯木瓜牛奶.......
但係夜媽媽去邊到搵..............
冇得賣咪唯有自家制~~~~~

木瓜牛奶

話都冇咁快......5分鐘內飲得~~~
哼~之後都唔駛出去買~

準備材料

材料:
木瓜肉 100g
牛奶     100ml
煉奶      少許

做法
1.把所有野倒入攪拌機,直至所有野拌好晒~

三木韓國料理

果日同老公去完face color 整完頭髮, 就勁肚餓 !
咁岩果日想食d 有湯既野~~~~就一路睇下有咩食.....
嘻嘻~~~~~~韓國野就岩啦~~



我地就抬頭一望就見到呢間, 就係咁入左去呢間~
yeah~~~可以有d夜, 都唔駛等位~~~~

由於得我同大少2個......所以我地只係叫左2樣野...
1個泡菜牛肉八爪魚鍋 , 石頭窩飯 !!

一落完單.........人家就捧左6小碟比我地食
韓國菜既小碟係我好鍾意食既野~~~~~
今次呢6小碟有炒粉絲, 泡菜, 薯仔, 大豆芽, 波菜 , 粉皮!!

泡菜牛肉八爪魚鍋 + 6小碟

泡菜牛肉八爪魚鍋

 

 

 

 

 

等左一陣, 個鍋都到埋~~~~
初初食果陣......都唔太辣......
點知愈食就愈辣.......
兩個人食都幾夠........
因為有太多料啦~~~~又年糕又粉絲, 仲有菜

我地之前唔知仲叫多個石頭窩飯 !
不過個飯又幾好食......好食到......我唔記得影相........
哈哈~~~~
不過又有藉口再去食過 !!!!
之但係我下次會去叫燒肉食 !!!

地址:尖沙咀堪富利士道12-16號宏貿發展大廈2樓

電話: 2721 8970

我最愛的...........紅紅綠綠

生果.....係一樣我離唔開的物體~~~~
最愛既係士多啤梨, 車厘子, 桃~~~~~~~~
每到呢d時節就成日都買返屋企.....

士多啤梨既季節又開始啦~~~
每次行過supermarket 就會超想買 !!!
但係又唔捨得 !!! 
哼~~~~呢日見到佢特價仲唔拿拿聲買wor~~
呵呵呵呵~~~

平時會阻止我買既大少.....
今次竟然同我搶wor...
哼~~~梗係啦~~~咁鬼死甜~~~~
就係佢........成功令到大少應承左我下年響士多啤梨既季節帶我去日本食過夠 ~~~
yeah~~~~~

 

蛋白燉鮮奶

天氣又突然轉冷, 又開始覺得乾~今晚響奶奶度食完飯, 響返屋企既途中~

我: 好想食d潤既野丫……….

大少就: 咁食蛋白燉鮮奶啦~又熱又好潤~

我: 好啊, 去邊間食丫(我奶奶屋企附近有很多糖水店的)

大少:呢度呢d唔好食架wor

我:咁邊度好食丫…..我而家好想食lor~

大少: 返屋企食~你上次整果個好好食!!!

我:............................(有10隻烏鴉響我頭頂飛過)

就係咁…..返到屋企之後開工, 沖完涼岩岩好有得食~~

不過整果陣, 發現屋企沒有椰汁, 所以今次係冇椰汁版本的蛋白燉鮮奶!!

滑到不得了, 食完暖粒粒~

 凍凍既天氣就最好食熱野加上中式甜品有個好處就係準備功夫簡單, 又快有得食~

今次呢個冇椰汁版本就相對性冇咁香.................我鍾意有椰汁版, 大少就鍾意呢個多d wor !! 

材料:

鮮奶 200 – 250 ml

蛋白 2隻

糖   1-2湯匙

做法:

1.     先把鮮奶煲至微暖, 加入糖, 令到糖可以溶入鮮奶中

2.     再加入蛋白, 輕輕拌好, 用篩隔去蛋白渣

3.  倒入碗中,用錫紙蓋好,  隔水中火蒸10分鐘, 之再唔好開蓋焗2~3分鐘, 完成

SU:M 37 玫瑰花魔法洗面棒

近年由於偶爾有少許敏感情況出現, 所以都不敢好似以前咁狂買護膚品。而家買護膚品都好小心, 基本上會做晒功課先會買黎試!

響一次偶爾既機會下, 我認識到su:m 37 呢個牌子, 賣點係以天然植物純天然發酵，不添加任何人工發酵的成分，無防腐無香料無色素,最大限度的減少因皮膚受刺激而引起的副作用，度皮膚溫和安全，問題型或敏感性肌膚也可放心使用。而且佢話佢地既產品是世界上唯一使用傳統發酵技術的植物化妝品，是過敏率最低的化妝品，代表了世界發酵化妝品的最頂級技術。所以所有的產品都有一種淡淡的味道。

講到咁, 我就即管買黎試下, 先試洗面既先~~~

個樣就真係超靚, 一打開就見到成枝都係玫瑰花瓣做既漿糊筆咁, 仲有種好清新既玫瑰花味~用法超簡單, 先把洗面棒在面上畫幾下. 再加小小水在面上打圈，再用搓出的泡沫輕輕按摩，之後就沖水, 感覺清爽，但完全不會吉吉臉同繃緊，仲會滑滑嫩嫩，細心d 睇下仲會發現肌膚變得通透明亮。

普通洗面佢真係完全work 啦, 唔知落化妝品又得唔得呢~據講, 佢係可以落到化妝品架…………………….即係可以連cleansing oil 都慳返wor…………

我做左個實驗, 睇下佢落唔落到防水eyeline~

                                               

加水輕輕按摩, 會見到d eyeline慢慢咁冇左

當然時間比用cleansing oil 耐d~

佢係真係可以落到架….睇下幾乾淨~~~

 

不過我自己覺得如果日常用黎落防晒, bb cream, cc cream 就真係good !! 但係如果化妝就真係用cleansing oil 果d落會更加徹底, 始終幾好既化妝品長時間留響皮膚都係唔係幾好架~~~~~~~~

蠔餅

返左新工作都有一段時間, 暫且適應進度良好 ! 至少有心機煮下飯 !
今日行過街市, 見到d 蠔幾靚, 諗起有段時間都幾鍾意食, 媽媽會整比我食….但係媽
媽話清洗蠔係件好辛苦既事………..所以今晚決定挑戰一下~

有個小插曲, 買好晒蠔就去買其他材料啦….點知行左2間印尼店都冇木薯粉啦……..好在
行到最後一間果陣終於買到….如果唔係既話就冇得整啦~~~

洗蠔都真係洗得幾甘下…………..呵呵呵呵~~~~~

1.    先把蠔用粟粉洗淨, 用1/2茶匙魚露, 少許胡椒粉醃
2.    2隻鴨蛋加入1/2茶匙魚露做成蛋漿, 加入3湯匙木薯粉, 6湯匙水, 1湯匙魚露, 做
  成粉漿。
3.    用3湯匙油爆炒蠔, 再加入粉漿, 煎至兩邊金黃色, 完成後上碟。

是次我落少左木薯粉, 所以出黎唔係太成到餅形。

眼仔碌碌

 

















話說我的眼皮會於天氣不穩時會敏感，所以當佢冇事時，就會努力做好保濕！正當我苦惱用咩時, 好在時遇上fei e, 因為市面上有好多eye cream, 我都唔用得, 一用就出事啦 !!多得她好介紹，呢枝野夠晒天然岩晒我用，用左兩星期，家陣再冇咁易紅！而家我仲隨身袋住, 一feel到乾就拎佢出黎碌兩2下咁LOR~

而家就算隻眼仔已經冇敏感......我都響用eye cream 之前碌左佢先~之後先再補d潤既eye cream !!!

所以呢枝野我用完之後會再補貨~~~~~~~