食你豆腐~~~~~~

同大少去完沙灘, 玩完沙, 捉完蟹仔~
返到屋企即刻由頭洗到落腳 !!!!

回家路上, 大少已經問, 今晚食咩..........
一日到晚都成日問住食咩架............
咁鬼累......聽日又要返工......
咁岩見到雪櫃有上次買既日本豆腐, 就一於整麻婆豆腐啦~~~


材料:

 免治豬肉 200g , 硬豆腐 1 件


醬料:

李錦記麻婆豆腐醬1包,  清水 1-2湯匙

做法:

1. 豆腐切垃, 備用
2. 用1-2湯匙油炒熟免治豬肉，放入嫩豆腐及李錦記麻婆豆腐醬，輕手拌勻，慢火煮至汁濃, 完成 !!

Ti.................ramisu

呢排咁勤力~都係多得一隻為食鬼小car !!!!
佢日日夜夜唔係食呢樣就果樣.....今次就話要食tiramisu ~~~~~
材料其實買左一段時間, 只係沒有心機做~
終於找個時間出黎整啦~~~~

材料:

咖啡酒液

熱水 200g , 咖啡粉 20g , 糖 40g, 咖啡酒 + 甜酒/櫻桃酒 30g (鍾意酒味可以再加重d)

1) 用熱水開咖啡粉(或抺茶粉), 加入糖拌至糖溶

2) 凍卻後, 便可加入酒, 然後掃上手指餅上

芝士

Mascarpone Cheese 250g, 忌廉 300g, 蛋黃 2個, 暖水 50g, 糖 60g

做法:

1) 把蛋黃和糖伴勻, 邊加入熱水邊用手提打蛋器攪勻

2) (1)的蛋黃漿坐熱滾水中, 用手提打蛋器攪拌至傑身, 離火

3) 放涼後, 加入mascarpone cheese, 伴至沒有顆粒

4) 最後加入打起忌廉, 倒入已塗酒液的手指餅上

5. 完成

胡椒蝦

當大少陪我行去街市果陣, 佢話睇下今日有咩海鮮平先~~
又海鮮........前日先食完咋WOR~~~
最終大少買左6隻大蝦.........................

蒜容開邊蒸 ????? 雪蝦可能唔太好食WOR !!!
芝士焗???? 隻蝦咁大隻...好似有D WASTE WOR !!!!!

最終諗諗下, 大少奶個BLOG 前幾日教左整胡椒蝦WOR !!!
一於試下整啦~~~應該唔難既~~~~


材料:
大蝦  6隻
黑胡椒粒  1湯匙  (輕輕樁下, 容易有香味飄出)
黑胡椒(磨成碎) 1/2湯匙
乾蔥頭   3粒
蒜頭 3粒
薑  3片
牛油    2湯匙
鹽   1/2茶匙
米酒 1/2湯匙

做法：

1. 先洗淨蝦、再剪腳、蝦眼，挑腸，索乾水，備用

2. 蝦沾上麵粉，略煎，煎到兩面金黃色後盛起備用。

3.用牛油起鑊，爆香乾蔥、薑片、蒜片，至金黃色

4. 加入黑胡椒、鹽、蝦，兜勻佢，贊酒、蓋上鑊蓋轉細火焗佢2~3分鐘

5.打開鑊蓋再兜佢兩兜，完成。

羅宋湯

呢排d 天氣古古怪怪咁........突然間好想飲羅宋湯~~~
但係又唔想飲罐頭果d wor~~~~出街食又唔一定遇到好飲既~
哼~~唯有自己黎~~~~~

材料:
牛肉  300g
薯仔    2個
西芹    半棵
蕃茄    6個   (我唔用茄膏, 所以我用多左蕃茄)
甘旬    3條
紫洋蔥  1個
椰菜     1個
(或者任何你鍾意既蔬菜)
水        3-4公升
鹽          少少
黑胡椒粒    1湯匙
月桂業     1-2塊

做法:
1. 先把所有材料洗淨, 切粒

2. 牛肉飛水5分鐘左右, 再用少許油爆香牛肉, 盛起待用, 待水大滾後加入煲中
3. 再把薯仔,西芹 蕃茄,甘旬 ,紫洋蔥 ,椰菜  ,黑胡椒粒 ,月桂業   加入煲中~

4. 大火滾10分鍾後轉細火煲2-2.5小時
5. 加入鹽飲用完成 !!!



小提示:
1. 如果唔夠番茄, 可以用茄膏代替~~(茄膏作用是顏色及酸味, 如番茄夠便可以不用落, 健康D !!!)
2. 唔用牛肉, 可以用雞肉, 豬肉代替 !!
3. 唔用肉去淆湯, 可以用一粒濃湯寶代替 (不過冇咁健康姐)

日哦夜哦

呢個小car, 自從有一日我地出去買lunch 時見到缽仔糕時.....
佢就日日夜夜都同我講, 我想食, 我想食...
煩到呢....真係冇朋友....
為左要令到佢收聲.............
唯有整....
一於用缽仔糕塞住佢把口~~~

哼~~~~


材料：

粘米粉 80g

澄麵粉 70g

片糖 200g

清水 650ml

紅豆 30g

做法 ：







(1)  紅豆洗淨用大窩滾水煮約35-50分鐘至爆口, 立即熄冚蓋焗半小時, 隔起。(煮豆水留用)





(2) 將粘米粉及澄麵粉用２５０ｍｌ清水拌勻成粉漿





(3) 量煮豆水４００ｍｌ下鍋把片糖煮溶(豆水份量不足可加入清水), 隨即把大滾的片糖水衝入粉漿中不斷攪拌, 直到混和一體  (動作要快, 粉漿不能太傑, 如太傑需要加入清水)



(4) 在小碗上塗油再注入2/3滿粉漿, 加入紅豆 (油要夠及最好用矽膠模 /不黏焗盤)




(5) 排放在蒸鍋內以大火力蒸約15-20分鐘





(6) 取出待涼, 進食時用竹籤挑起即可 (唔好心急, 要等佢涼曬先好拎)

ps: 白色的我用了椰汁取代水, 及以白糖取代片糖

偷懶太太的晚餐下回- 煎餃子 (深夜食堂菜色)

餃子實在係偉大發明, 因為夠飽肚~
累到唔想煮飯~就由餃子出場~
最緊要係整個靚樣, 令到大少覺得"譁, 好靚" 咁就ok~
所以我就一定唔係就咁煎, 總要搞少少花樣~

因為時間關係, 我用的是急凍餃子~

做法

1. 急凍餃子拎出, 在餃子上灑上麵粉
2. 大火預熱平底鍋30秒，加1湯匙油，燒熱15秒，熄火，排好餃子, 餃子要貼在一起 (今次我懶叻排左圓形, 其實長形會容易成功d)
3. 開大火，加200ml 水，立即加蓋，繼續大火煮4分鐘

4） 開蓋，會看見水差不多乾了，但有一點泡泡。

5） 轉中火煎30秒，會看見邊緣位結成薄薄的一片

6）準備麻油，便從鍋邊、中間、餃子上平均加入2湯匙麻油

7） 中火繼續煎2﹣3分鐘至水份乾掉，底部微焦，以鏟子從邊挑起一點，查看是否變金其，如不是，多煎30秒至1分鐘，如是，以鏟子輕輕挑起四周，讓餃子連焦底一起鬆出來 

8） 倒轉放入碟子，快速反轉，再排好餃子，完成

9） 餃子與餃子之間應有一層薄薄的金黃色焦底連在一起，如沒有，逐隻的放到碟上也可以

嗚嗚嗚嗚, 第一次整, 只成功了一半...........
哈哈~不過大少已話好靚 !!! yeah~~~

多謝曬鬼嫁既教導~~~

偷懶的太太~

近日既天氣, 真係令人覺得好唔舒服~~~~
亦都因為咁, 成日都令人覺得好累, 就身都唔安樂咁...
但係咁樣都唔可以唔煮飯架~~~~
之但係咁.......偷懶都唔可以比大少知道~
所以一定要靚~

就係咁決定是日晚餐: 白汁西蘭花 同煎餃子

白汁就簡單啦, 就用大少奶果個食譜加加減減, 就返岩自己個味~

白汁材料:

淡忌廉   100ml

雞湯    80-100ml

麵粉     1湯匙

牛油     20g

做法
1.將牛油落鑊，用細火，慢慢加麵粉直至成膏狀

2.慢慢加入淡忌廉，邊攪邊加，直至忌廉與牛油粉糰混合，成糰狀

3.加雞湯，慢慢加，邊煮邊攪，攪勻混合再加直至加到自己理想既杰度

整好個白汁就淋上西蘭花先生度~加少少cheese~~

再焗佢10-15分鐘, 完成 !!

趕住出門, 下回再講~bye~

激死人~

好在我放工打個電話姐~~~如果唔係就笨左啦~

響返屋企路上, 先見到一個女人.....打扮奇怪.......佢一路聽歌就一路唱....
算...我避開佢.....行前1個車廂~~~~~都仲係聽到佢把聲~~~
算啦算啦~~~~~忍佢...很短車程~~

當我落車既時侯, 諗住可以擺脫佢啦~~~~
點知當我上另一架車既時候..........................................
發現另一個男人又係咁...........................................

點解啊....................................
要比我響咁短時間見到2個咁既人wor~

哼~~~~返屋企煮個自己鍾意食既飯~~~

超易又好食既有味飯

材料:

蝦乾、冬菇、臘腸、豬肉粒/雞肉

做法:

1. 將蝦乾切粒，冬菇浸軟切粒、臘腸切粒、豬肉粒用糖、 鹽、豉油、生粉醃好備用

2. 先將米洗好，煲至米水滾時開飯煲蓋，平均放入餸到飯面，蓋上煲，正常煲飯程

   序完成後就吃得

係唔係易到暈呢~

鳥龍太太

話說今朝有位太太起身之後就同佢先生講, "不如一陣出去睇戲lor~, 3點幾有場, 難得仲要係2D, 仲大把位添~"
去到戲院野算買飛果陣.........太太就興高彩列咁同人地講, "唔該3點幾果套AR"
點知.......戲院職員話, " 小姐, 今日冇3點幾, 聽日先有 !!!!"
太太果刻頭頂有幾隻烏鴉飛過.....................................................................
原來佢睇錯左.........................................
激死~~~~
於是佢就打算買野洩忿 !!!!!!!

由食完個LUNCH 開始..........先去街市買明天既餸, 之後再去$12蚊店買家品, 回娘家食晚飯之後, 再去超市等地方買用品, 最後連阿信屋都唔放過....

就係咁......呢位太太由下午四點幾買到夜晚9點幾都仲買緊野~~~~~~~~

可憐既先生就拎住一袋二袋陪佢太太行行行行行........


哈哈~~星期日咁就過左啦~~~~~~~

吽吽地~

唔知呢排係唔係太夜訓呢~日日都好累好眼訓~~~
好不容易捱到星期六~~~~~~一早返公司清左d 野先~~~~
返到屋企, 食左d d 野, 執左一陣野, 5點幾走左去訓覺~~~

大少仲好笑.....訓到3點幾.......之後見到我訓覺又走黎訓埋一份....
佢話要因為我今朝返工左, 所以佢而家要痴住我wor ~~~

再起身已經係8點............但係個人都仲係吽下吽下......
唔知係唔係濕得滯呢~~~~~~

雖然吽吽地, 但係都要食飯架~~但係又唔想落街~屋企又冇咩存倉~
於是唯有就有咩食啦~~~~


自己的最愛: 沙律面

大少的晚餐: 鏗魚湯麵 + 菜肉餃

小食: 奴豆腐 (嘻嘻~深夜食堂的其中一樣食物)

其實呢個豆腐好易整又好食~

材料：

豆腐      1小磚 

紫菜      適量

木魚碎(鰹魚碎）     適量
日本豉油   2茶匙
鰹魚汁   1湯匙

製法：
1.  豆腐放碟,灑上紫菜,木魚碎,最後淋上豉油和鰹魚汁

哈哈~係唔係超易~~~~
大少仲話又話唔舒服, 仲整咁多野~~
嘻~~~

是日晚餐: 番茄焗豬扒飯

好耐冇食過焗豬扒飯, 諗起屋企有豬扒, 於是就試下啦~~~
其實都係估下估下....

材料

醬汁:
1.   粟米, 蕃茄2個(切粒)
2.  落油先炒香蒜頭,蕃茄,粟米 加雞湯200ml , 茄膏2大匙, 麵粉1湯匙
3)  然後加入喼汁, 糖, 鹽(自己試味), 煮至傑身

豬扒:
1) 洗淨, 抺乾, 用槌揼到佢扁曬先會鬆化
2)  醃30分鐘-1小時 (豉油, 糖, 粟粉)

做法: 飯鋪底, 放豬扒, 再平均倒上汁, 最後灑上芝士, 入爐230度焗20-25mins, 完成!!!!!!

是日晚餐: 三文魚鬆蟹子飯

又成7點先放工......都唔知煮咩野好~
快快趣趣去行個圈買d野返屋企啦~~~

返到屋企已經接近8點......知道大少就返.....更加要快手快腳~~

是日晚餐: 三文魚鬆蟹子飯, 蒸蜆, 炒白菜仔~仲有青紅蘿蔔牛旁湯

超簡單 !!!! 又靚又好食 ~~~


三文魚鬆蟹子飯

材料:  ikea 三文魚柳 2條, 蟹子1小盒, 胡椒粉, 鹽, 麻油

1. 先用少少胡椒粉,鹽醃左三文魚柳
2. 三文魚柳蒸6分鍾, 之後壓碎變成魚鬆, 加入少許麻油拌好
3. 把三文魚鬆及蟹子鋪在飯面上~完成~

Cle De Peau

哈哈~我發現shiseido maquillage 已經滿足唔到我!! 因為我被cle de peau 吸引左去, 未試用呢個品牌既人千萬不好試, 一試就出事啦~~~~
我身邊已經有幾個朋友比我咁樣引左去 !!!! 不過我都係走唔出shiseido 既5指山............因為.......cle de peau 都係佢既 !!!!

就比大家睇下我敗左d 咩返黎啦~~~

1. VOILE BLANC BRIGHTENING ENHANCER BASE  30ML  (白色矮身樽)
     呢支係岩岩3月中出既BASE, 佢係一個有少少色既BASE, 唔會一味白, 但係佢有一個調色作用, 用少少已經好有光澤, 平日唔化妝, 我就只係用佢 +碎粉

2. EYELINE CREAM (黑色小圓盒)
    原先我已經放款EYELINE, 因為我隻眼出得比教多油, 所以唯有同自己講, 算啦久唔久補下條EYELINE啦~~點知比我遇到佢~~~~~果日響COUNTER BA 姐姐
    幫我試左上眼, 我發現條EYELINE經過左超過半日都冇甩 !!!!!!! 一個字, 勁 !!!!

3. Translucent pressed powder(白色盒)
     因為自己的粉餅已用完, 所以一次轉埋佢 !!! 的確底打得好, 成日都係只要補一次就夠啦~~~

4. Translucent loose powder(黑色大圓盒)
     粉質很幼滑,清爽, 而且十分持久! 佢真係可以KEEP 到耐D 架 !!!

5. TENIT CONTROL BLANC LUMINIZING ENHANCER BASE (黑色高身)
     佢既作用就幫我減低黑眼圈同某D較暗既位, 因為我既黑眼圈唔太過份, 用CONCOLER 會太厚, 所以BA 就推介左我用呢個 !!!! 嘻嘻~~我最鍾意夠自然, 又唔駛
     比人知道我用左 !!

6. CORRECTEUR RELIEF  (黑色短濶)
    重點遮毛孔, 唔知點解個NOSE 同面旁D 毛孔會較大(可能真係老啦), 護膚品要做野, 化妝品都要 !!! 佢係我用過既當中, 用左又唔多覺你用左, 但係又真係出到效果
    架LOR !!! 嘻嘻~~~有左佢, 可以零毛孔 !!!

7. CREAM FOUNDATION (黑色高濶)
     唔多講呢個啦, 因為太多人用啦~~~用一粒紅豆既SIZE 就可以化完成個面妝,又long lasting, 成日都唔多甩,成日只需補一次妝. 至少用完佢, 講電話, 收線果下你
     唔會見到成個電話MON都係粉LOR !!!!

8. LIPSTICK (黑色高身)
    嘻嘻~~佢好潤, 唔似唇膏, 似有色既LIP CREAM !!! 不過比較快甩 !!!

9. SOIN CORRECTEUR ESSENTIEL ESSENTIAL CORRECTING REFINER
    哈~新野, 因為我想改善毛孔 !!! 用左精華之後用, 用左1星期, 明顯地塊面滑左, 毛孔幼左DD !!!!!
    

Hello

好耐都冇上黎啦！唔覺唔自咁就結左婚三個幾月，日日都好忙好忙，希望我可以更新一下食譜啦！